بفضل الله استلمت اليوم واليكم ماحدث فى خطوات
1- الذهاب للبنك مبكرا عشان تمشى مبكرا مش هتاخد اكتر من عشر دقائق هتروح للموظف يطلع ملفك ويسالك عن رقم تلفونك ويطلعلك اذن توريد تورد 100 جنيه وتاخد ايصال تاخد بيه كشف حسابك وخطاب موجه للجهاز صلاحيته يومان فقط ومتنساش تاخد منه الوصل ابو 10 تلاف هو فى الملف عنده انا اخدته منه
2- طياره على الجهاز وتكون مصور بطاقتك وبطاقة مراتك لو انت مجوز ولو مش مجوز احمد ربك على النعمه الل...ى انت فيها ومتقلش لحد احسن تتخبط عين وتلاقى نفسك حد مشاركك فى الهوا اللى بتتنفسه وكمان مصور ايصالات الدفع اللى دفعت بيها اول قسط وايصال العشر تلاف
3-وصلت الجهاز طياره على العقاريه فى الدور الارضى هياخد منك صور البطايق وصور الايصالات والجواب بتاع البنك وكشف خسابك ويديك جواب للمساحه
4- بتاع المساحه هياخد بطاقتك ويديك اذن دفع تاخد الاذن مترحش الخزنه تروح الماليه فى الدور التانى تعتمد الاذن وتنزل تدفع وتاخد ايصال بالدفع من اصل وتلات صور
5- من الخزنه على طول على المخازن خد منه كراسة الشروط
6- تاخد كراسة الشروط وترجع المساحه تانى تلاقيه مجهزلك محضر الاستلام
7- المحضر محتاج يتعتمد من تلات حهات بالترتيب الشئون القانونيه ثم العقاريه ثم الماليه وانت فى الشئون القانونيه اسال عن ادارة المشروعات عدى خد الرسومات
8- ارجع تانى المساحه وقع كراسة الشروط وروح اختم ومتنساش تختم الرسومات
